Сурункали касалликларга чалинганларни коронавирусга қарши эмлаш мумкинми?

ALMATY. Kazinform – Алмати шаҳри соғлиқни сақлаш бошқармаси раҳбари ўринбосари вазифасини бажарувчи Лаура Мирзағали онлайн брифингда сурункали касалликларга чалинганларни эмлаш мумкинлигини таъкидлади, деб хабар қилади Kazinform мухбири.

Спикернинг айтишича, коронавирусга қарши эмлашга контриндикациялар унчалик кўп эмас.

«Сурункали касалликларга чалинганлар кўп, аммо бу улар коронавирусга қарши эмланмайди дегани эмас. Агар касаллик қўзиш босқичида бўлмаса, эмлаш мумкин. Ҳатто аутоиммун касалликларга чалинганларни ҳам эмлаш мумкиндир. Фақат буни тўғри етказиш, тўғри тушунтириш, аниқ ахборот бериш керак», - деди Лаура Мирзағали.

Шунингдек, у эмлаш пунктларида уч хил вакцина бор эканлигини таъкидлади. Аҳоли Қозоғистоннинг «QazVak», Хитойнинг «Sinopharm», Россиянинг «Спутник -V» вакциналаридан бирини танлаш ҳуқуқига эга.

Муаллиф: Алма Муқанова