Суриядаги зилзила қурбонлари сони 1,6 мингдан ошди

ASTANА. Кazinform – Эпицентри Туркиянинг Қаҳрамонмараш шаҳрида бўлган вайронагарчиликли зилзила оқибатида Сурияда 1602 киши ҳалок бўлди, 3649 киши жароҳатланди, деб хабар беради Kazinform Аnadoly агентлигига таяниб.

Идлиб, Ҳалаб, Ҳама, Латакия ва Тартус ҳудудларида қидирув-қутқарув ишлари давом этмоқда.

Маҳаллий SАNА (Башар ал-Ассад режими назорати остида) ахборот агентлигига кўра, Ҳалаб, Латакия, Хама ва Тартусда 812 киши ҳалок бўлган, 1449 киши яраланган. Кўплаб вайрон бўлган уйлар бор.

Сурия шимолидаги мухолифат назоратидаги ҳудудларда кўплаб бинолар вайрон бўлган ва зарар кўрган.

Сурия Инсон Ҳуқуқлари Ташкилоти (SNHR) ва Сурия Фуқаролик Мудофаа Бошқармаси, Идлиб ва ​​«Ефрот қалқони» ва «Зайтун новдаси» амалиётларида камида 790 киши ҳалок бўлган, 2200 дан ортиқ одам яраланган.

Эслатиб ўтамиз, 6 феврал куни Туркиянинг жануби-шарқида (маҳаллий вақт билан 04.17 да – 7,7 балл ва 13,24 да – 7,6 балл) кучи етти баллдан ортиқ бўлган иккита зилзила содир бўлган эди. Натижада ҳалок бўлганлар сони 3,3 мингдан ошди.

Президент Режеп Таййип Эрдоған Туркиядаги табиий офат қурбонлари хотирасига етти кунлик миллий мотам эълон қилди. Туркиянинг давлат байроқлари бутун мамлакат бўйлаб ярмига туширилди.

Вайрон қилувчи зилзилалар қўшни мамлакатларда, жумладан Сурия, Ливан, Шимолий Кипр, Греция Кипри ва Ироқда ҳам содир бўлди.