Спортчиларни Олимп чўққисига олиб чиқиш мураббийларга боғлиқ – ҚР Маданият ва спорт ишлари вазири
«2023 йил Олимпия ўйинларидан олдинги йил эканлигини инобатга олсак, терма жамоалар спортчиларининг асосий вазифаси Париж-2024 ўйинларига лицензияларни қўлга киритишдир. Ханьчжоу шаҳридаги жаҳон чемпионати ва Осиё ўйинларидаги муваффақиятли иштирок бундан кам аҳамият касб этмайди», — деди Асхат Оралов Маданият вазирлигининг кенгайтирилган ҳайъати йиғилишида.
Шунингдек, унинг сўзларига кўра, 2024 йилда Қозоғистонда бўлиб ўтадиган V Жаҳон кўчманчилар ўйинларига тайёргарлик ҳам муҳим аҳамиятга эга.
«Спортчиларни Олимпия ўйинларига муваффақиятли тайёргарлик кўриш, спортчиларни спортнинг энг юқори чўққисига олиб чиқиш кўп жиҳатдан мураббийлар, комплекс илмий гуруҳлар аъзолари, спорт федерациялари ва бошқа тузилмаларнинг мувофиқлаштирилган ишига боғлиқ», — дея хулоса қилди вазир ва ҳамкасбларини ҳамкорликка чақирди.
Азамат Сиздиқбаев