SpaceX 56 янги Starlink сунъий йўлдоши ўрнатилган ракетани учирди

ASTANA. Kazinform – Американинг SpaceX компанияси пайшанба куни Starlink тармоғининг янги авлоди – 56 микро сунъий йўлдошига эга Falcon 9 ракета ташувчисини учирди, дея хабар беради Kazinform ТАСС агентлигига таяниб.

«56 та Starlink сунъий йўлдоши учирилгани тасдиқланди», – дейилади компаниянинг Twitterдаги саҳифасида.

Ракета учирилиши Канавералдаги (Флорида штати) космодромдан маҳаллий вақт билан 03:31 да амалга оширилди. Falcon 9 нинг биринчи босқичи тахминан 8,5 дақиқадан сўнг Атлантика океанидаги сузувчи платформага қўнди.

Starlink тармоғи оғирлиги 260 кг гача бўлган бир нечта қурилмаларни жойлаштириш орқали интернетга киришни таъминлаш учун мўлжалланган.

SpaceX ҳисоб-китобларига кўра, жами 11 мингта сунъий йўлдошни учириш ва ишга тушириш 10 миллиард долларга тушади. Компания маълумотларига кўра, у 5G стандартига мос келадиган 1 Гб/с тезликда кенг полосали интернетга уланишни таъминлай олади.

2019 йилнинг май ойидан бери SpaceX орбитага 3800 дан ортиқ Starlink сунъий йўлдошларини чиқарди.