Сиднейдаги йирик ёнғин туфайли бинонинг деворлари қулаган

SIDNEY. Кazinform – Бугун минглаб одамлар Сиднейнинг марказий қисмидаги бино аланга ичида қолгани ва унинг деворлари қулаганига гувоҳ бўлди, дея хабар беради Кazinform ABC.net.auга таяниб.

Катта ёнғин маҳаллий вақт билан пайшанба куни соат 16:00 дан кейин Рэндл-стритдаги тарихий мерос рўйхатга олинган бинода содир бўлди. Ёнғин туфайли нафақат кўчадаги ҳаракатлар тўхтади, балки бино деворлари ҳам қулади.

Уни ўчириш учун Янги Жанубий Уэлс ёнғин ва қутқарув хизматининг 100 дан ортиқ ўт ўчирувчилари Сарри-Хиллз ҳудудига жўнатилган.