Сичуань 42 йилдан кейин оиладаги болалар сони бўйича чекловни олиб ташлади

ASTANА. Кazinform – Хитойнинг Сичуань провинцияси расмийлари оилага тўғри келадиган болалар сони бўйича чекловларни олиб ташлади. Бу мамлакатда туғилишнинг камайишига қарши курашга қаратилган чорадир, дея хабар беради Кazinform BBCга таяниб.

Бундан ташқари, провинция маъмурияти қарорига кўра, бундан буён никоҳсиз туғилган аёллар расман рўйхатга олиниб, эр-хотинлар каби имтиёзларга эга бўлиши мумкин.

Хитой қонунчилиги турмушга чиқмаган аёлларга фарзанд кўришни тақиқламайди, бироқ унда турмушга чиққан аёл қонуний равишда она деб ҳисобланиши айтилади.

Бундан буён Сичуань провинциясидаги ҳар қандай турмушга чиқмаган аёл фарзандли бўлишни истаса, тиббий ёрдам, мактаб ўринлари ва нақд пул тўлаш учун мурожаат қилиши мумкин.

Хитой ҳукумати бир неча йиллардан буён «бир оилада - бир бола» сиёсати сабаб бўлган салбий демографик тенденцияни ўзгартиришга уриниб келмоқда.

Ўтган йили Хитой аҳолиси 60 йил ичида биринчи марта қисқарди. Илгари аҳоли сонининг камайишига Мао Цзедуннинг иқтисодий тажрибалари сабаб бўлган, бу эса оммавий очарчиликка ва ўлимнинг ошишига олиб келган.

23 январ куни Хитой ҳукумати 2022 йилда Хитойда 9,56 миллион туғилиш ва 10,41 миллион ўлим бўлишини кўрсатувчи статистик маълумотларни эълон қилди.

Аҳоли сонининг қисқаришининг сабабларидан бири шундаки, кўплаб шаҳар аҳолиси турмуш қуриш ва фарзанд кўришни кечиктирмоқда.

Хитой Миллий статистика бюроси раҳбари Кан Ининг сўзларига кўра, «бу фарзанд кўриш истагида бўлганлар сонининг камайиши, никоҳ ва ҳомиладорликнинг кечикиши ҳамда мамлакатда туғиш ёшидаги аёллар сонининг камайиб бораётгани натижасидир».

Қолаверса, бу «бир оилада - бир бола» сиёсатининг натижасидир. У 1980 йил сентябр ойида мамлакат аҳолисининг назоратсиз ўсишини камайтириш мақсадида жорий этилган.

Бироқ, натижада Хитой аҳолисининг гендер муносабатлари эркаклар фойдасига ўзгарди.

Фото: bbc.cоm