Шотландия университетининг Ақтўбедаги филиали дастлабки 300 нафар талабани қабул қилади

AQTÓBE. Kazinform – Ақтўбе шаҳридаги Қ.Жубанов номидаги университет негизида хорижий Heriot-Watt техника университетининг филиали очилади. Бу йил унга 300 нафар талаба грант асосида қабул қилинади, деб хабар беради Kazinform.

ҚР Президентининг 2022 йилда иқтисодиёт эҳтиёжларидан келиб чиққан ҳолда олий таълим тизимини ислоҳ қилиш бўйича топшириғини амалга ошириш доирасида Ақтўбе шаҳар ҳокими Ерали Тоғжанов ва Heriot-Watt университети ректори Марк Биггс ўртасида Қ.Жубанов номидаги Ақтўбе вилоят университети негизида етакчи хорижий олий ўқув юрти филиалини очиш бўйича келишув имзоланди.

Жорий йилнинг ўзидаёқ дастлабки 300 нафар талаба бакалавр даражасида учта таълим дастурини ўрганиши мумкин: геоинженерия, энергетика, ҳисоблаш техника. Ҳар бир мутахассислик бўйича 100 тадан грант ўринлари ажратилган. Битирувчилар Heriot-Watt университети ва Қ.Жубанов университетининг икки томонлама дипломига эга бўладилар.

Феврал ойида Буюк Британияда Қозоғистон Республикаси Фан ва олий таълим вазирлиги, Heriot-Watt университети ва Қ.Жубанов номаидаги университет ўртасида ҳамкорлик бўйича уч томонлама меморандум имзоланган эди.

Илгарироқ фан ва олий таълим вазири Саясат Нурбек 2029 йилгача Қозоғистонда 12 та хорижий университетнинг филиалларини очиш режалаштирилаётганини маълум қилганди.