Шимолий Кореяда қора оққушлар гўштини ейишмоқда

NUR-SULTAN. Kazinform - Шимолий Корея озиқ-овқат тақчиллигидан азият чекмоқда. Халқаро санкциялар ва пандемия вазиятни янада оғирлаштирди. Энди улар гўшт учун қора оққушларни кўпайтириш ниятида, деб хабар беради Kazinform BBCга таяниб.

Шимолий Кореяда саноат гўшти учун қора оққушлар ўстириладиган ферма қурилиши якунланди. Бу ҳукуматнинг озиқ-овқат хилма-хиллигини ошириш режасининг бир қисми ва озиқ-овқат инқирозини мустақил равишда енгиб чиқишга уринишидир. Шимолий Корея расмийлари бу қушларнинг гўшти жуда тўйимли экани, ассортиментини ошириш аҳоли турмуш сифатига ижобий таъсир кўрсатишини даъво қилмоқда. 2019 йилда расмийлар мактаблар ва корхоналарга «ўзини ўзи таъминлашни ошириш» учун истеъмол қилинадиган барча нарсаларни ўстириш ва кўпайтиришни буюрди. Энди Шимолий Корея оммавий ахборот воситалари қора оққуш гўштини истеъмол қилишни тарғиб қилмоқда. Давлат раҳбари Ким Чен Ин чегара ёпилганлиги сабабли мамлакатдаги озиқ-овқат билан боғлиқ вазият ёмонлашаётганини тан олди ва аҳолидан коронавирус тарқалишини тўхтатиш учун бундай қурбонлик қилишга мажбур бўлгани учун узр сўради.