Шимолий Корея етакчиси коронавирус устидан ғалаба қозонганини эълон қилди

PYONGYANG. Kazinform - КХДР етакчиси Ким Чен Ин мамлакат коронавирус эпидемияси устидан ғалаба қозонганини эълон қилди, дея хабар беради Kazinform Yonhap агентлигига таяниб.

Бу ҳақда КХДР раҳбари бир кун аввал ўзи раислик қилган эпидемияга қарши чора-тадбирлар бўйича миллий йиғилиш чоғида маълум қилди, дея хабар беради Корея расмий марказий ахборот агентлиги.

«Мен мамлакатга кириб келган янги коронавирусни йўқ қилиш, одамларнинг ҳаёти ва соғлиғини ҳимоя қилиш бўйича фавқулодда эпидемияга қарши кампанияда ғалаба қозонганимизни тантанали равишда эълон қиламан»

, — дейилади хабарда.

Пхеньян 12 май куни расман COVID-19 билан касалланган биринчи ҳолатни эълон қилганди. Бундан олдин, икки йилдан ортиқ вақт давомида мамлакатда COVID-19 мавжудлиги тасдиқланмади, аммо бутун ҳудудда карантин жорий этилганди. Шимолий Кореяда кунлик коронавирус юқтириш даражаси 15 майда 392 920 га етган, аммо 29 июл куни нолга етди.

Фото: cloudfront-us-east-2.images.arcpublishing.com