«Шимол-Жануб» коридори йўналишида ягона логистика оператори ташкил этилади
Қўшма корхонадан кўзланган мақсад «Шимол-Жануб» халқаро транспорт коридорининг шарқий йўналишида ягона логистика операторини яратишдан иборат.
Меморандумни «KTZ Express» АЖ бош директори Қайрат Утяпов, «РЖД Логистика» АЖ бош директори Дмитрий Мурев ва «Туркманистон транспорт-логистика маркази» АЖ бош директори Мердан Бяшимов имзолади.
Томонлар рақобатбардош тариф ставкаларини шакллантиришга келишиб олдилар ва Ақсарай, Озинки, Болашақ, Инче-Бурун, Серахс чегара пунктлари иштирокида Қозоғистон, Россия, Туркманистондан Эрон, Ҳиндистон, Яқин Шарқ ва Осиё-Тинч океани минтақаси мамлакатларига юкларни «тўхтовсиз» ташиш бўйича ўз ваколатларини бирлаштиришга келишиб олдилар.
Қозоғистон учун «Шимол-Жануб» йўлаги Эрон ва Ҳиндистон билан транспорт ва иқтисодий алоқаларни ривожлантиришнинг асосий ўсиш нуқталаридан бири ҳисобланади. Қозоғистонлик юк жўнатувчилар таъкидлаганидек, Қозоғистон ҳудуди орқали ўтадиган ушбу қуруқлик йўлагининг яққол устунлиги юкларни етказиб беришнинг юқори тезлиги ва ташиш учун барча об-ҳаво шароитларининг қулайлигидир.