Шарқий Қозоғистондан 27 нафар шифокор хорижий клиникаларда малака оширмоқда
Шарқий Қозоғистон вилояти соғлиқни сақлаш бошқармаси матбуот хизматидан маълум қилишларича, жорий йилнинг ўтган даврида вилоятдаги тиббиёт муассасаларига 72 нафар ёш мутахассис ишга келган.
Улардан 23 нафари резидент, 43 нафари умумий амалиёт шифокори, уч нафари соғлиқни сақлаш мутахассиси ва уч нафари стоматологдир.
«Қишлоқ шифохоналарида ишлаётганлар учун 100 БҲМ миқдорида устама, 1500 БҲМ миқдорида имтиёзли кредит ажратилган. Бугун беш нафар тиббиёт ходимига хизмат квартираси, «Бир қаватли Шарқ» дастури доирасида 20 нафар мутахассисга уй-жой берилди», — дейилади хабарда.
«Жорий йилда 34 нафар мутахассисни резидентурада тайёрлаш учун маҳаллий бюджетдан 27,9 миллион тенге ажратилди. Айни пайтда вилоятимиздаги 27 нафар шифокор Исроил, Латвия, Германия ва Россия Федерациясининг етакчи клиникаларида малака оширмоқда», — дейилади хабарда.
Муаллиф: Талғатжан Мухаметбекули