Валюталар курси:
    usd/kzt 460.95 eur/kzt 487.18

    rub/kzt 8.66 cny/kzt 68.91
Об-ҳаво маълумотлари:
Нур-Султон : 1 °С
Алматы: 15 °С

Шардара сув омборига келадиган сув ҳажми 2,5 баробар ошди

24 Май 10:50

NUR-SULTAN. Kazinform – Жорий йилда Шардара сув омбори 5 миллиард куб метр сув йиғиши мумкин. Қозоғистон Экология, геология ва табиий ресурслар вазири Серикқали Брекешевнинг сўзларига кўра, бунга ўтган йилнинг ноябр ойидан буён кўрилган чора-тадбирлар ва қулай иқлим сабаб бўлмоқда, деб хабар беради Kazinform мухбири.

«Шардара сув омборига вегетация даврида келадиган сув оқими 3,9 миллиард куб метрни ташкил қилиши керак. Бу вегетация даврини йўқотишларсиз ўтказиш имконини беради. Шу ва Талас дарёлари ҳавзаларини сув билан таъминлаш ҳолати барқарор. Шу-Талас сув хўжалиги комиссиясининг ХХХ йиғилишида давлатлараро каналлар орқали Талас дарёси ҳавзаси орқали 500 миллион куб метр, Шу дарёси ҳавзаси орқали 220 миллион куб метр сув етказиб бериш бўйича жадвал имзоланди. Шунингдек, гидрологик прогнозлар асосида Сирдарё трансчегаравий дарёси ҳавзасида сув хўжалигида мураккаб вазият юзага келди. Бироқ кўрилган чоралар ва қулай иқлим туфайли вазият барқарорлашди. Шу тариқа Шардара сув омборига келадиган сув ҳажми 2,5 баробар ошди», — деди вазир Ҳукумат йиғилишида.

Унинг сўзларига кўра, бу Шарадара сув омборини 5 миллиард куб метргача тўлдириш, шу билан бирга Кўксарай регуляторига 822 миллион куб метргача сув тўплаш имконини берди.

«Шу даврда Шардара сув омборига қарийб 1,5 миллиард куб метр сув қуйилган. Шу тариқа вегетация бошланиши олдидан Сирдарё ўзанини тўлдириш, суғориладиган ерларни суғориш, кўл тизимлари ва ўтлоқларни суғориш ишлари олиб борилди», – деди Сериққали Брекешев.

Муаллиф: Еимжан Нақтибай

Новости по теме
Ўхшаш янгиликлар