Шанхайда коронавирусга қарши ингаляцион вакцина қўлланила бошланди

PEKIN. Kazinform – Шанхай Хитойда коронавирусга қарши ингаляцион вакцинадан бустер восита сифатида фойдаланишни бошлаган биринчи мегаполисга айланди, дея хабар беради Kazinform Global Times нашрига таяниб.

Сешанба кунидан Шанхайда COVID-19 га қарши бустер ингаляцион вакцинасини олиш учун рўйхатга олиш бошланди. Вакцина небулайзер ёрдамида ингаляция йўли билан қабул қилинади.

Чоршанба куни шаҳарнинг Чаннин ҳудудидаги клиникаларда ингаляцион вакцина билан эмлаш кампанияси бошланди.

«Бутун жараён жуда оддий ва инъекциядан қўрққанлар учун ҳам қулайдир», - дейди шаҳарликлар.

Сешанба ҳолатига кўра, Шанхайнинг 23 миллиондан ортиқ аҳолиси эмлашнинг тўлиқ курсини олди, улардан 12 миллиони бустер дозасини олди.

Хитой Халқ Республикаси Соғлиқни сақлаш давлат қўмитаси маълумотларига кўра, жорий йилнинг 25 октябр ҳолатига кўра, хитойлик шифокорлар аҳолини оммавий эмлаш вақтида мамлакат аҳолисига коронавирусга қарши 3,43 миллиарддан ортиқ эмлашни амалга оширган.

Муаллиф: Руслан Сулейменов

Фото: globaltimes.cn