Шакар импорти учун квота 31 октябргача узайтирилди
Бу масала Евроосиё иқтисодий комиссияси кенгашининг навбатдан ташқари йиғилишида ҚР Бош вазири ўринбосари – Савдо ва интеграция вазири Бақит Султанов иштирокида кўриб чиқилди, дея хабар беради Kazinform ҚР Савдо ва интеграция вазирлигига таяниб.
«Ушбу чора импорт шакарни ички бозорга етказиб бериш харажатларини камайтиради. Ҳозирда бир қатор давлатлар билан катта миқдорда шакар етказиб бериш бўйича музокаралар олиб бормоқдамиз. Ноябр ойигача эса Қозоғистон заводларидан ҳам, ЕОИИ давлатларидан ҳам янги ҳосилга лавлаги шакарини етказиб бериш бошланади», — деди Б.Султанов.
Бундан ташқари, Қозоғистон оқ шакар ва шакар хомашёсини божсиз импорт қилиш квотани ошириш бўйича музокаралар олиб бормоқда. Ҳозирда Қозоғистоннинг квотаси 2022 йил августигача нол импорт божхона тўловлари билан 350 минг тонна оқ шакар ва хом қуруқ шакарни ташкил этади.