+7 (701) 759 90 19
USD 428.68 EUR 507.21
RUB 5.57 CNY 64.2
Янгиликлар

Ш.Мирзиёев Нурсултон Назарбоевнинг соғлиғидан хавотирдалигини билдирди

19 Июнь 10:00
Баҳам кўринг:
Ш.Мирзиёев Нурсултон Назарбоевнинг соғлиғидан хавотирдалигини билдирди

NUR-SULTAN. Kazinform – Ўзбекистон Президенти Шавкат Мирзиёев Қозоғистон Биринчи Президенти Нурсултон Назарбоевнинг коронавирусга чалингани ҳақидаги хабарни эшитиб, қаттиқ хавотир билдирди. Бу ҳақда Kazinform elbasy.kz сайтига таяниб хабар беради.

«Ҳаётингиздаги ушбу синовли ва мураккаб пайтларда биз учун ҳамиша чексиз эҳтиромга сазовор бўлиб келган Сиз, азиз оғамни

ҳар томонлама қўллаб-қувватлашга тайёрлигимни ва яқин кўмакдош эканлигимни яна бир бор чин қалбдан маълум этмоқчиман.

Ҳеч шубҳасиз, қисқа фурсатларда мазкур вирусни муваффақиятли енгиб ўтиб, шифо топишингизга ва тузалиб кетишингизга ишончим комилдир.

Қадрли Нурсултон Абишевич, Сизга Қодир Аллоҳдан мустаҳкам сиҳат-саломатлик, куч-қувват ва янги зафарлар ато қилишини сўраб қоламан.

Тез орада Сиз билан дийдор кўришиш бахтига муяссарлик насиб этишига умид қиламан», - дейилади телеграммада.

Эслатиб ўтамиз, куни кеча Қозоғистон Республикаси Биринчи Президенти - Елбасы Нурсултон Назарбоев коронавирусга чалингани ҳақида хабар берилганди.



Баҳам кўринг:
Фикр қолдириш
+7
Жўнатиш
Онлайн ходимлар
Муҳаррир
Нурлан Туйахов
Нурлан Туйахов
954-059

Архив