Сентябрдан Қозоғистон ОТМ профессор-ўқитувчилари маоши ошади

None
None
NUR-SULTAN. Kazinform - Қозоғистон 2025 йилгача стипендиялар, ўқитувчиларнинг маошлари, талабалар грантлари сонини доимий равишда оширишни ва фанни молиялаштиришни кўпайтиришни режалаштирмоқда. Бу ҳақда ҚР Таълим-маориф вазири Асхат Аймағамбетов Қозоғистон Республикаси Таълим ва фан вазири лавозимидаги фаолияти якунлари бўйича ҳисоботида маълум қилди, деб хабар беради Kazinform.

«Давлат раҳбари шарофати билан грантлар оширилгани олий ўқув юртларимиз ўқитувчиларининг маошини сезиларли даражада ошириш имконини бермоқда. Шунингдек, апрел ойида вазирлигимиз томонидан олий ўқув юртлари ректорларига аниқ кўрсатмалар берилди, улар доирасида 2022 йил сентябр ойидан бошлаб олий ўқув юртлари ўқитувчиларининг ойлик маошлари яна оширилади», — деб ўртоқлашди у Facebook саҳифасида.

Унга кўра, университетда янги бошловчи ўқитувчининг энг кам маоши камида 200 минг тенге, профессорники эса камида 350-400 минг тенгени ташкил қилади. Шу билан бирга, ўқув юкламаси даражаси ўқув йилида 680 соатдан кўп бўлмаган даражада белгиланади. Докторантлар учун стипендия 3 йил давомида 82 000 тенгедан деярли 200 000 тенгега кўтарилди. Бу вақт ичида университетларда ўқиш учун грантлар сони деярли икки баравар кўпайди.

Эслатиб ўтамиз, Асхат Аймағамбетов 2019-2022 йилларда Қозоғистон Республикаси Таълим ва фан вазири бўлган.

Сўнгги хабарлар