Сенатда Мустақиллик байрамига бағишланган тантанали йиғилиш бўлиб ўтди

NUR-SULTAN. Kazinform – Қозоғистон Республикаси Мустақиллигининг 30 йиллиги арафасида Сенат раиси Маулен Ашимбаев сенаторлар ва Палата Аппарати ходимларига давлат мукофотларини топширди, деб хабар беради Kazinform ҚР Парламенти Сенати матбуот хизматига таяниб.

Тантанали йиғилишда Сенат Спикери йиғилиш қатнашчиларини Мустақиллик байрами билан табриклаб, ўтган давр мобайнида Қозоғистоннинг эришган асосий ютуқларга тўхталиб ўтди. Маулен Ашимбаев давлатнинг қонунчилик базасини мустаҳкамлаш борасида амалга оширилган ишлар ҳақида ҳам гапирди.

«Мустақиллик йилларида Қозоғистон Елбасынинг сиёсати туфайли катта муваффақиятларга эришди. Қувватнинг узлуксизлиги бизга эришган нарсаларни сақлаб қолиш ва кейинги ўсишни таъминлаш имконини берди. Бугун Сенат Президентнинг мамлакатни модернизация қилиш сиёсатини қонунчилик билан таъминлаш контекстида фаол ишламоқда», -деди Маулен Ашимбаев.

Сенат депутатлари орасидан ІІІ даражали «Барс» ордени билан палата вице-спикери Нурлан Абдиров, «Парасат» ордени билан - палата раиси ўринбосари Асқар Шакиров, сенаторлар Даурен Адилбеков, Нурлан Бекназаров, Нурторе Жусип, Сагиндик Луқпанов ва Абдали Нуралиев, «Қурмет» орден билан – Ольга Булавкина ва Ляззат Рысбекова тақдирланди.

Сенат аппарати ходимларидан «Қурмет» ордени билан бўлим мудирлари Каналбек Раимбеков, Николай Турецкий, «Ерен енбеги ушин» медали билан – бўлим бошлиғи ўринбосари Ербол Абдрасилов, Қозоғистон Республикасининг Фахрий ёрлиғи билан - асосий маслаҳатчилар Элмира Мухаметжанова ва Болат Омар тақдирланди.