Семейлик ўқувчилар сайёҳлар учун мобиль илова ихтиро қилишди

SEMEY. Kazinform – Семейлик ўқувчилар сайёҳлар учун «Discover Abai» номли мобиль иловани ихтиро қилди, деб хабар беради Kazinform мухбири.

Мобиль илова уч тилда хизмат кўрсатади. Сайёҳлар ҳам ўз фикрларини қолдиришлари мумкин.

«Бу ерда Абай вилоятидаги муқаддас жойлар ҳақида тўлиқ маълумотлар мавжуд. Энг муҳими, сайёҳлар уларни тезда топишлари мумкин. Масалан, ресторан менюсига боссангиз, барча ресторанлар кўрсатилади», - дейди Семей шаҳридаги №7 мактабнинг 9 «б» синф ўқувчиси Нурлихан Маратов.

Мобиль илованинг яна бир хусусияти, қозоқ тилини ўрганишингиз мумкин. Шунингдек, Абай Қунанбайулининг таржимаи ҳоли билан танишиш, шеърларини ўқиш имконияти мавжуд.

«Бизнинг вилоятимиз нимаси билан ажралиб туради? Қандай тарихий жойлар бор? Мақсадимиз - сайёҳлар Абай вилояти ҳақида чуқурроқ, шунингдек қимматли маълумотларга эга бўлиши, ва алоҳида таассуротга эга бўлишидир. Албатта, қозоқ тилини ўрганаётган бўлса, ҳам яхши», - дейди 9-синф ўқувчиси Темирлан Темирбаев.

Нурлихан Маратов ва Темирлан Темирбаев ихтиро қилган мобиль илова «HACKATHON-2023» республика ҳакатҳонида иштирок этиб, бош совринни қўлга киритди.

Ўқувчиларнинг фикрича, келажакда илова такомиллаштирилиб, барча платформаларга юкланади.

Фото: Абай вилоят таълим бошқармаси матбуот хизмати