Сайловда номзодлар ўртасидаги рақобат ўта кучли – ҚР Сенати раиси

ASTANA. Kazinform – Қозоғистон Республикаси Парламенти Сенати раиси Маулен Ашимбаев бугунги сайлов очиқ ва адолатли ўтишига ишонч билдирди, деб хабар беради Kazinform мухбири.

«Бугун муҳим кун. Мажилис ва маслиҳат депутатлари сайлови бўлиб ўтмоқда. Сайловлар сиёсий ислоҳотларнинг ажралмас қисмидир. Сиёсий кампания янгиланган қонунчилик асосида олиб борилмоқда. Ўтган йили референдум ўтказилди ва Конституциямизга катта ўзгартиришлар киритилди. Бундан ташқари, айрим қонунлар қабул қилинди. Бир мандатли округдан сайловнинг жорий этилиши жамият томонидан ижобий баҳоланмоқда, дейишга асос бор», — деди Маулен Ашимбаев сайловда овоз берганидан кейин ОАВ вакилларининг саволларига жавобан.

Сенат Раисининг таъкидлашича, бу галги сайловда фаоллик кузатилмоқда.

«Сайловларда бир мандатли сайлов округи депутатлари номзодлари ва ўзини ўзи кўрсатган номзодлар ўртасидаги рақобат жуда юқори. Бу Давлат раҳбари томонидан қабул қилинган сиёсий ислоҳотларнинг долзарблигининг ёрқин ифодасидир. Мажилис ва маслиҳат депутатлари сайлови қонун талаблари ва халқаро андозалар асосида ўтади, деб ўйлайман. Бугунги кампания халқаро ташкилотлар кузатувчилари томонидан кузатилмоқда. Мен барчани сайловда ўз танловини қилишга таклиф қиламан. Ҳокимият манбаи халқдир. Ҳеч ким халқдан устун туролмайди. Биз Парламентга сайланган депутатлар билан якдил ишлашга тайёрмиз», — деди у.

Сенат Раиси пойтахтдаги 111-сайлов участкасида ўз танловини амалга оширди.

Муаллиф: Даулет Изтилеу