Сайлов юқори даражада ташкил этилди - Сергей Лебедев

НУР-СУЛТОН. Kazinform - Қозоғистондаги навбатдан ташқари Президент сайлови юқори даражада ташкил этилди. МДҲ Ижроия қўмитаси раиси - ижро этувчи котиби Сергей Лебедев ана шундай баёнот берди, деб хабар беради Kazinform мухбири.

«Биз Қозоғистондаги сайлов юқори даражада ташкил этилди ва эркинлик билан ўтказилди дея хулоса чиқардик. Сайлов Конституция ва Конституциявий қонунга мувофиқ ўтказилди. У шаффоф, демократик руҳда ва рақобат руҳида бўлди. Қозоғистондаги сайлов жараёнини кузатиш учун МДҲнинг 8 та мамлакатидан 432 нафар кузатувчи келди. Биз республиканинг барча вилоятларида, 3812 сайлов участкасига бордик», - деди у Марказий сайлов комиссиясида бўлиб ўтган брифинг чоғида.

Унинг айтишича, МДҲ кузатувчилар миссияси МДҲ давлатлари парламентарийлари, марказий сайлов комиссиялари раислари ва дипломатлардан таркиб топган.