Сайлов участкаларида тартиблар очиқ ўтказилмоқда – Буюк Британия парламенти вакили

ASTANA. Kazinform – Кузатувчилар сайлов участкалари ишини ташкил этиш тартибига яхши баҳо берди. Бу ҳақда Буюк Британия парламенти Жамоатлар палатасининг катта сиёсий маслаҳатчиси Реза Табризи маълум қилди, дея хабар беради Kazinform мухбири.

«Бундан олдин мен Қозоғистонга 2019 йилда бўлиб ўтган сайловларда кузатувчи сифатида келганман. Хусусан, 1992 йилдан буён бу мамлакатга тез-тез келиб тураман. Умуман олганда, бугунги сайлов натижаси ҳақида гапиришга ҳали эрта. Эрталабдан бери мен учта сайлов участкаларига ташриф буюришга муваффақ бўлдим. Бу сайлов участкаларида овоз бериш яхши суръатда давом этмоқда», – дейди Р. Табризи пойтахтдаги Халқаро кузатувчиларга кўмаклашиш марказида ўтказилган брифингда.

Шу муносабат билан сайлов участкаларида қонуний талабларга риоя қилинаётганини айтди.

«Биз сайлов участкаларида барча тантаналар очиқ ўтаётганига эътибор қаратдик. Ногиронлар учун овоз бериш учун алоҳида шартлар яратилган. Бу ишларнинг барчаси кузатувчилар томонидан яхши баҳоланмоқда. Сайлов участкаларига келган аҳолининг ҳам кайфияти кўтаринки эканлигини кузатдик. Умуман олганда, барчамиз ушбу сайловлар шаффоф ўтишини истаймиз ва сайлов кампаниясининг қонун талаблари асосида олиб борилиши муҳимлигини яхши тушунамиз. Бу, ўз навбатида, Қозоғистон келажагига ҳисса қўша оладиган ёшлар учун яхши имкониятдир», - деди Буюк Британия парламенти вакили.

Эслатиб ўтамиз, аввал хабар қилинганидек, Қозоғистон Республикаси Марказий сайлов комиссияси маълумотларига кўра, соат 10:00 ҳолатига кўра, республика бўйича 2 миллион 792 минг 962 нафар фуқаро сайлов бюллетенларини олди. Бу рўйхатга киритилган фуқароларнинг 23,37 фоизини ташкил этади.

Муаллиф: Руслан Ғаббасов