Сайлов: Қозоғистоннинг аксарият қисмида овоз бериш якунланди

ASTANA. Kazinform – Қозоғистоннинг 15 вилоятида Парламент Мажилиси ва маҳаллий маслиҳатлар депутатлари сайлови якунланди, деб хабар беради Kazinform мухбири.

Астана вақти билан соат 18:00 ҳолатига кўра, 6 миллион 390 минг 46 нафар сайловчи бюллетень олди. Бу умумий сайловчиларнинг 53,11 фоизини ташкил этади.

Айни пайтда мамлакатнинг 5 та ҳудудида: Ақтўбе, Атирау, Ғарбий Қозоғистон, Қизилўрда ва Манғистау вилоятларида овоз бериш жараёни давом этмоқда. Бу ҳудудлардаги сайлов участкалари Астана вақти билан соат 21:00да ёпилади.

Эслатиб ўтамиз, Қозоғистоннинг 62 хорижий давлатдаги ваколатхоналари ёнида 77 та сайлов участкаси очилган. Уларда 12 016 киши овоз бериши керак.

Хорижда овоз бериш Сан-Францискодаги сайлов участкасида, Астана вақти билан 20 март куни эрталаб соат 9:00 да тугайди.

Муаллиф: Марлан Жиембай