Саудия Арабистонида баллистик ракета учирилди
24 Январь 17:16

Саудия Арабистонида баллистик ракета учирилди

AR RIYAD – Kazinform – 23 январ, якшанба куни яманлик ҳусийларнинг «Ансор Аллоҳ» ҳаракати Саудия Арабистонининг жануби-ғарбидаги Жизан шаҳрига баллистик ракета билан ҳужум қилди, деб хабар беради Kazinform ArabNews агентлигига таяниб.

«Ҳусий исёнчилари Жизан шаҳрига шафқатсиз баллистик ракета ҳужуми уюштирди. Бу ҳусийларнинг саноат зонасида турли миллатларга мансуб тинч аҳолига ҳужум қилишга учинчи уринишидир. Зарар ҳисоблаб чиқилмоқда», — дейилади Саудия Арабистони бошчилигидаги халқаро коалиция баёнотида.

Ҳужум натижасида Судан ва Бангладешдан келган икки нафар хорижлик яраланган. Шунингдек, моддий зарар ҳам қайд этилган. Саудия Арабистонида учирилган ракетанинг қисмлари Яман чегарасига яқин Жизан шаҳридаги Аҳад ал-Масариҳа саноат зонасига тушган.

Абу-Даби Вашингтондан ҳусийларни террорчи гуруҳ деб тан олишни талаб қилди ва 22 январ куни БАА Ички ишлар вазирлиги дронлар ва енгил спорт самолётларини шахсий мақсадларда фойдаланишга беришни тақиқлади. Яманда 2014 йил августидан бери ҳукумат кучлари ва ҳусийлар ўртасидаги тўқнашувлар давом этмоқда. 2015 йилнинг март ойида Саудия Арабистони бошчилигидаги коалициянинг мамлакатга бостириб кириши билан у ўзининг энг фаол босқичига кирди. Етти йилдан ортиқ давом этган можаро дунёдаги энг йирик гуманитар инқирозни келтириб чиқарди.

Янгиликлар

Архив