Саудия Арабистон зиёратчиларни фақат коронавирусга қарши эмланган бўлса қабул қилади

KAIR. Kazinform – Мусулмон зиёратчилар янги коронавирусга қарши вакцина билан эмлашдан кейингина Макка ва Мадинага катта ва кичик ҳаж сафарларига боришлари мумкин бўлади. Қарорни Саудия Арабистони ҳукумати қабул қилди, деб хабар беради Kazinform ТАССга асосланиб.

«Ҳаж сафарида иштирок этишнинг асосий шарти - бу янги коронавирусга қарши вакцина билан эмланишдир», - айтилган соғлиқни сақлаш вазири Тауфик ар-Рабианинг баёнотида.

Бу йил катта ҳаж июль ойининг иккинчи ярмига тўғри келади. Ўтган йили пандемия туфайли ҳаж сафарига атиги 10 минг киши ташриф буюрган, шу жумладан 30% саудияликлар ва 70% ушбу мамлакатда яшайдиган чет элликлар. Чет элдан келган зиёратчиларга ҳаж зиёратига боришга рухсат берилмаган. Махсус рухсатномаларни беришда устуворлик 20 ёшдан 50 ёшгача бўлган, сурункали хасталикка йўлиқмаган, янги коронавирус вирусини юқтирмаган, олдин ҳаж сафарига бормаган ва карантин муддатига бардош беришга тайёр бўлган одамларга берилди. Улар орасида коронавирус билан касалланган шифокорлар ҳам бор эди. Хорижий журналистларнинг тадбирни ёритиши тақиқланди.

Ўтган йилнинг ноябрь ойидан бошлаб Саудия Арабистони аста-секин 50 ёшгача бўлган зиёратчиларни ПЗР тести манфий бўлган тақдирдагина кичик ҳаж учун мамлакатга киришни жорий қилди.