Сариағашда фермер товус боқади
Бугунги кунга қадар товуслар ҳудуд учун ноёб қуш тури ҳисобланган. Уларни етиштиришга биринчилардан бўлиб «Раҳманберди» деҳқон хўжалиги раҳбари Раҳманберди Усербаев киришди. Шунингдек, хўжаликда қирғовулнинг 7 тури, товуқнинг 5 тури, каптар, туяқуш, осиё кеклиги, ғоз, ўрдакнинг 2 тури, курка, бедана парваришланмоқда.
Ташқаридан олиб келинган қушлар қўлга ўргатилди. Махсус парваришли қуш йилига атиги 6 марта тухум қўяди. Бундан ташқари, товуслар фақат баҳор ойларида рақсга тушишади. Ўз фаолиятини 2 бош товус боқишдан бошлаган деҳқон хўжалиги бугунги кунда бу қушлар сонини 40 тага етказди. Бундан ташқари, товусларга қизиқувчиларнинг илтимосига кўра фермер хўжалигида 30 бошга яқин ноёб қушлар сотилиб, яхши фойда кўрди.
Келгусида якка тартибдаги тадбиркор нафақат паррандачиликни кенгайтириш, балки балиқчиликни ҳам ривожлантиришни режалаштирган.