Саноат сиёсати тўғрисидаги қонун лойиҳаси Қозоғистонга нима беради

NUR-SULTAN. Kazinform – Қозоғистонда йил охиригача «Саноат сиёсати тўғрисида»ги қонун қабул қилиниши керак. Бу ҳақда мамлакат индустрия ва инфратузилмаларни ривожлантириш вазири Бейбит Атамқулов маълум қилди, дея хабар беради Kazinform мухбири.

«Рақобатбардош маҳсулотлар ишлаб чиқаришни кўпайтириш ва хомашёни ривожлантириш моделидан воз кечиш орқали ишлаб чиқариш саноатининг барқарор ривожланишини таъминлаш мақсадида «Саноат сиёсати тўғрисида»ги қонун лойиҳаси ишлаб чиқилди. Давлат раҳбари топшириғига кўра, қонун лойиҳаси жорий йил охиригача қабул қилиниши керак», - деди Бейбит Атамқулов Ҳукумат йиғилишида.

Вазир қонун лойиҳасининг асосий янгиликларини айтиб ўтди.

«Биринчидан. Ер қаъридан фойдаланувчилар ва миллий компаниялар иштирокида тайёр маҳсулотларни сотиш ва ички бозорни янги товарлар билан тўлдиришни таъминлаш учун офсет контрактлари ва контракт шартномаларидан фойдаланилади. Иккинчи. Корхоналар буюртмасига кўра, янги рағбатлантириш воситаси – саноат гранти ишлаб чиқилди, у қўшма молиялаштириш орқали ишлаб чиқаришни модернизатсия қилиш учун тақдим этилади. Учинчи. Қонун лойиҳасида уни ички бозорда илгари суриш чора-тадбирлари назарда тутилган. Бу йўналишда «маҳаллий таркиб» атамасини «ички қиймат»га ребрендинг қилиш асосий янгилик бўлди, - деди Б.Атамқулов.

Муаллиф: Ақбота Кузекбай