«Samuryq-Qazyna» компаниялар гуруҳи ишлаб чиқариш ишчиларининг маоши оширилади

NUR-SULTAN. Кazinform - «Samuryq-Qazyna» компаниялар гуруҳи ишчиларининг маошларини оширишда давом этади. Бу ҳақда Қозоғистон Бош вазири ўринбосари Ерали Тоғжанов Сенатда «2025 йилгача аҳоли даромадларини ошириш дастури» комплекс режаси ижроси муҳокамаси чоғида маълум қилди, деб хабар беради Kazinform мухбири.

«Дастурнинг муҳим қисми янги иқтисодий ўсишга бағишланган. У фуқароларнинг иш билан таъминланиши учун шарт-шароитларни яратиш, шунингдек, касбни рағбатлантирадиган янги кўникмалар ва билвосита ҳаракатларни ўз ичига олади. 1,1 миллиондан ортиқ ишчининг иш ҳақини ошириш, шу жумладан, 850 мингдан ортиқ бюджет соҳаси ходимларининг иш ҳақини ошириш режалаштирилган. Шифокорларнинг маоши 320 минг тенгедан 531 минг тенгега, ҳамширалар маоши 173 минг тенгедан 250 минг тенгега оширилади», — деди Е.Тоғжанов.

Шунингдек, у жорий йилнинг апрел ойидан бошлаб «Samuryq-Qazyna» жамғармаси компаниялар гуруҳининг 258 минг ишлаб чиқариш ишчиларининг иш ҳақи 5 фоиздан 48 фоизга ошганини айтди. Шу билан бирга, кам ҳақ тўланадиган хизматларга устувор аҳамият берилди.

«Жамғарманинг ички резервидан ишчиларнинг даромадларини ошириш бўйича ишлар давом эттирилади. Йил охиригача яна 4 та корхонада ишлаб чиқариш ишчиларининг маоши 5 фоиздан 18 фоизгача оширилади», — деди Бош вазир ўринбосари.

Эслатиб ўтамиз, 2025 йилгача 2 миллиондан ортиқ янги иш ўринларини яратиш ҳақида хабар қилинган эди.

Муаллиф: Руслан Ғаббасов