Самолёт бортида туғилган чақалоққа Муҳаммад деб исм қўйилди
17:57, 28 Апрел 2023
ASTANA. Kazinform - Самолёт бортида туғилган чақалоққа Муҳаммад деб исм қўйилди. Бола 12,2 км баландликда, Истанбулга қўнишга 50 дақиқа қолганда туғилган, деб хабар беради Kazinform.
Маълум бўлишича, чақалоқнинг онасига клиникадан кетишига рухсат этилган, бола муддатидан олдин туғилгани учун шифокорлар назорати остида қолди.
Uzbekistan Airways вакили ёш ота-она билан учрашиб, авиакомпания номидан эсдалик совға ва гулдаста тақдим этди, транспорт билан таъминлади.
Эслатиб ўтамиз, Uzbekistan Airways авиакомпаниясининг Тошкентдан Истанбулга учган самолёти бортида ўғил чақалоқ туғилгани ҳақида хабар берилган эди.