Ўрта ер денгизида қайиқ ағдарилиб, 130 га яқин муҳожир ҳалок бўлди

NUR-SULTAN. Kazinform – Ливия қирғоқларида ноқонуний муҳожирларни олиб кетаётган қайиқ ағдарилиб, 130 га яқин одам ҳалок бўлди, деб хабар беради Kazinform SOS Mediterranee нодавлат ташкилотига асосланиб.

Ocean Viking кемаси ушбу ҳудудда ҳалокатга учраган учта қайиқ ҳақида маълумот олгандан сўнг, Ливия қирғоқлари яқинидаги халқаро сувларга жўнатилган.

«Биз бугун воқеа жойига келганимиздан бери тирик қолганларни топмадик, аммо воқеа жойида ўнлаб жасадларни кўрдик», - дейилади гуруҳ баёнотида.

Қутқариш операцияси ёмон об-ҳаво туфайли мураккаблашди. Қидирув соҳасидаги тўлқинлар 6 мга етди. Кўп ўтмай, Европа Иттифоқи чегара назорати агентлигининг «Фронтекс» самолёти воқеа жойи яқинида резина қайиқнинг парчаларини топди.