Россиялик дизайнер Вячеслав Зайцев вафот этди

MOSKVA. Kazinform - Россиялик модельер Вячеслав Зайцев 86 ёшида вафот этди, дея хабар беради Kazinform РБКга таяниб.

Манбанинг айтишича, 30 апрель куни Зайцев ички қон кетиши билан касалхонага ётқизилган, реанимацияда вафот этган. Вячеслав Зайцев 1938 йил 2 мартда Ивановода туғилган.

1962 йилда Москва тўқимачилик институтини мода дизайни мутахассислиги бўйича тамомлаган. 1982 йилда Москвада Зайцев номидаги мода уйи очилди, у ерда унинг коллекциялари намойиши бўлиб ўтарди.

80-йилларнинг охирида у Париж ва Флоренцияда ўтказилган мода ҳафталикларида кийимлари намойиш этила бошлаган биринчи совет дизайнерларидан бири бўлди.

Кейинчалик унинг коллекциялари АҚШ, Германия, Бельгия, Япония ва бошқа мамлакатларда намойиш этилди.