Россия ва Беларусь юк ташувчиларнинг рухсатнома ҳужжатлари ҳақида маълумот берилди

ASTANA. Кazinform – Қозоғистон Индустрия ва инфратузилмаларни ривожлантириш вазири ўринбосари Алмаз Идирисов Россия Транспорт вазири ўринбосари Дмитрий Зверев ва Беларусь Транспорт ва коммуникациялар вазири ўринбосари Сергей Дубинга халқаро юк ташувларида юзага келадиган муаммоларни биргаликда муҳокама қилишни таклиф қилди, дея хабар беради Кazinform.

Уч томонлама учрашувда А.Идирисов россиялик ва беларуслик ҳамкасбларига Қозоғистон томонининг чет эл ташувчилари тиркама ва ортиқча юк билан ташилган юкларни етказиб беришда тегишли намунадаги иккита рухсатнома бланкасига эга бўлиши талаби ҳақида маълум қилди. Вазир ўринбосарининг айтишича, бу халқаро норма бўлиб, у дунёнинг барча мамлакатлари, жумладан, Қозоғистоннинг юк ташувчиларига ҳам тегишли.

Ўзаро англашув руҳида ўтган учрашувда томонлар ушбу йўналишдаги муносабатларни ривожлантиришнинг замонавий тенденцияларига ҳам эътибор қаратдилар.

Хорижий ташувчилар учинчи давлатдан юкларни ҳаддан ташқари юклаш шартларини мунтазам ва тез-тез бузаётгани аввал хабар қилинган эди. Шунга кўра, Қозоғистон Республикаси Индустрия ва инфратузилмаларни ривожлантириш вазирлиги Қозоғистон Республикаси Ташқи ишлар вазирлиги билан ҳамкорликда манфаатдор ваколатли органлар ва хорижий ташкилотларга импорт қилинадиган товарларга рухсат бериш тизимини қўллаш қоидаларини юборди.

«Халқаро шартномалар ва Қозоғистон Республикасининг ички қонунчилигига кўра, юкларни кўрсатилган тартибда ташишда хорижий ташувчи ўзи билан бирга тегишли намунадаги иккита рухсатнома бланкасига эга бўлиши керак. Биринчи бланк ташувчига юкни чегара терминалига жўнатган томон томонидан берилади. Иккинчи рухсатнома бланкаси эса тиркама билан олиб кирилаётган товарлар терминалга юкланганда берилади. Ушбу рухсатнома ҳужжати тегишли юк Қозоғистон ҳудудига киргунга қадар амал қилади», — дейилади ҳужжатда.

Фото: gov.kz