Ролан Гаррос турнири 2004 йилдан бери илк бор Рафаэль Надальсиз ўтказилади

ASTANA. Kazinform – Ролан Гаррос турнири 2004 йилдан бери биринчи марта дунёнинг собиқ биринчи ракеткаси, «Катта дубулға» турнирининг 22 карра чемпиони испаниялик Рафаэль Надальсиз ўтказилади, деб хабар беради Kazinform мухбири.

Кеча 36 ёшли Рафаэль Надаль бу йилги Ролан Гаррос турнирида иштирок этмаслигини малум қилди.

18 январь куни америкалик Маккензи Макдональд билан бу йилги Australian Open турнирининг иккинчи даврасида жароҳат олган Надаль ҳалигача тикланишда давом этяпти. Ўшандан бери кортга чиқмаган испаниялик теннисчи даволанишни давом эттиради.

Р.Надаль Франция очиқ чемпионатида 14 марта ғалаба қозонган. Ўтган йил ҳам шу турнирда ғалаба қозонган эди. Бу йил у чемпионлик унвони ва 2 минг рейтинг очкосидан маҳрум бўлади. Унда атиги 445 очко қолади. Шу тариқа, у 2003 йилдан бери биринчи марта АТР рейтингининг 100 талигидан чиқиб қолди ва 130-ўринга тушиб кетди.

Эслатиб ўтамиз, аввалроқ Анна Данилина Париж мусобақасининг жуфтлик баҳсларида ярим финалга чиққани ҳақида хабар берган эдик.

Елена Рибакина Римда бўлиб ўтган турнирда жаҳоннинг 1-ракеткасини мағлуб этиб, ярим финалга чиқди.

Е.Рибакина мастерс турниридаги ғалабалари бўйича дунёнинг энг яхши теннисчисига айланди.

Муаллиф: Ғайсағали Сейтақ