Валюталар курси:
    usd/kzt 426.01 eur/kzt 493.75

    rub/kzt 6.05 cny/kzt 66.62
Об-ҳаво маълумотлари:
Нур-Султон : 6 °С
Алматы: 13 °С

Ўрим-йиғим ишларининг 95 фоизга яқини якунланди – ҚР Бош вазири

21 Сентябрь 11:12

NUR-SULTAN. Kazinform – Қозоғистонда ғалла ва ёғли экинларнинг ялпи йиғимини 18 млн тоннага етказиш режалаштирилган. Бу ҳақда Ҳукумат йиғилишида Қозоғистон Республикаси Бош вазири Асқар Мамин маълум қилди, деб хабар беради Kazinform мухбири.

«Дунёда ғалла йиғим-терими билан боғлиқ вазият оғирлигича қолмоқда. Бу ёмон об-ҳаво шароити билан боғлиқ. Қозоғистонда ғалла ва ёғли экинларнинг ялпи ҳосилини 18 миллион тоннага етказиш режалаштирилган, шу жумладан 16 миллион тонна дон ва дуккакли экинлар», - деди Асқар Мамин.

Бош вазир, бугунги кунда ўрим-йиғим ишларининг 95 фоизга яқини бажарилганини айтди.

«Бу йилги қурғоқчилик туфайли дон миқдори камайганига қарамай, мамлакатнинг донга бўлган ички эҳтиёжи тўлиқ қондирилмоқда. 6-6,5 миллион тонна донни экспорт қилиш имконияти мавжуд», - дея қўшимча қилди Асқар Мамин.

Бош вазир, шунингдек, янги ҳосилнинг сифат кўрсаткичлари сезиларли даражада ошганини таъкидлади. 28% дан ортиқ клейковина бўлган буғдой ҳажми йиғилган ҳажмнинг 74% га етди.

Муаллиф: Серик Сабеков

Новости по теме
Ўхшаш янгиликлар