Рақамли Қозоғистон: Ёнилғи захирасини мониторинг қилиш автоматлаштирилади

NUR-SULTAN. Kazinform – Қозоғистон Республикасининг «Айрим турдаги нефт маҳсулотларини ишлаб чиқариш ва айланмасини давлат томонидан тартибга солиш тўғрисида»ги қонунига киритилган ўзгартишларга кўра, нефть базаси резервуарлари рақамли ҳисобга олиш приборлари билан жиҳозланади. Бу ҳақда ҚР Энергетика вазирлиги матбуот хизматига таяниб, Kazinform хабар берди.

Қонун ҳужжатларига ушбу ўзгартишлар нефт маҳсулотлари захираларининг автоматлаштирилган мониторингини таъминлаш, шунингдек, мамлакат ички бозорида нефт маҳсулотлари тақчиллигининг олдини олиш мақсадида киритилди.

Ушбу низомнинг амалга оширилиши қуйидаги тартибда кутилмоқда:

- 2024 йил 1 январдан нефт маҳсулотлари базалари ва (ёки) умумий резервуарлари 10 000 куб метрдан ортиқ бўлган цистерналарга эга бўлган нефт маҳсулотларини улгуржи етказиб берувчилар;

- 2024 йил 1 июлдан бошлаб умумий резервуар парки 10 000 куб метр ёки ундан кам бўлган нефт маҳсулотлари базалари ва (ёки) цистерналарига эга бўлган нефт маҳсулотларини улгуржи етказиб берувчилар ҳисоблагич ўрнатади.

Нефт маҳсулотлари базаларининг ишлаб чиқариш объектларини назорат ўлчаш асбоблари билан жиҳозлаш тартиби ва талаблари Қозоғистон Республикаси Энергетика вазирлиги томонидан тасдиқланади.

Фото : gov.kz