Валюталар курси:
    usd/kzt 460.95 eur/kzt 487.18

    rub/kzt 8.66 cny/kzt 68.91
Об-ҳаво маълумотлари:
Нур-Султон : 1 °С
Алматы: 15 °С

Рақамли Қозоғистон: Давлат харидлари энди «электрон дўкон» орқали амалга оширилади

19 Май 16:21

NUR-SULTAN. Kazinform – Қозоғистон давлат харидлари соҳасида «электрон дўкон»дан фойдаланишни кенгайтиради. Бу ҳақда Қозоғистон молия вазири ўринбосари Даурен Кенбейл маълум қилди, дея хабар беради Kazinform мухбири.

«Маълумки, Президент давлат харидлари ва «Самруқ-Қазна» фонди харидларини ислоҳ қилиш бўйича топшириқ берган. 2019 йилда Жаҳон банки Қозоғистон харидлари бўйича тадқиқот ўтказди ва улар томонидан берилган тавсиялар қабул қилинди. Бу харидлар соҳасидаги энг яхши жаҳон тажрибасидир», - деди Даурен Кенбейл Молия вазирлиги ва Жаҳон банкининг қўшма семинарида.

Тадбир давомида ОАВ вакиллари билан суҳбатда вазир ўринбосари мамлакатда товарларни харид қилишда қулайлик яратиш мақсадида харидларнинг «электрон дўкон» усули жорий этилганини маълум қилди.

«Бу мижозга харид қилишни осонлаштиради. Мижоз бир кун ичида техник шартларга жавоб берадиган ва энг паст нархга эга бўлган ҳар қандай сотувчидан деярли ҳар қандай маҳсулотни сотиб олиши мумкин. Бу ёндашув яхши кўринди. Энди биз уни ривожлантиришда давом этамиз. «Электрон дўкон» 1 апрелдан иш бошлади»

, - деди вазир ўринбосари.

Унга кўра, муайян турдаги товарларни етказиб бериш билан шуғулланувчи компания электрон дўкон порталида рўйхатдан ўтиши ва қиймати 12 миллион тенгегача бўлган товарларни харид қилишда иштирок этиши мумкин.


Новости по теме
Ўхшаш янгиликлар