Президентнинг Германияга ташрифи: Бирқатор давлатлар раҳбарлари билан учрашув ўтказилади

NUR-SULTAN. Kazinform – Давлат раҳбари Қасим-Жомарт Тоқаев Мюнхен шаҳрига (Германия) иш ташрифи билан боради. Бу ҳақда Kazinform ҚР Президенти матбуот котиби Берик Уалига ҳавола қилиб хабар беради.

«Давлат раҳбари Қасим-Жомарт Тоқаев 14-16 февраль кунлари Хавфсизлик бўйича 56-чи Мюнхен конференциясида иштирок этиш учун Мюнхен шаҳрига (Германия) иш ташрифи билан боради. Сафар дастурига кўра, Президент Мюнхен хавфсизлик конференцияси панель дебатларида иштирок этади ва бирқанча давлатлар раҳбарлари билан, халқаро ташкилотлар, Германиянинг йирик компаниялари раҳбарлари билан, шунингдек, академик гуруҳлар вакиллари билан бирқатор икки томонлама учрашувлар ўтказиши режалаштирилган», - дейди Берик Уали Facebook саҳифасида.

Тадбирга 40қа яқин давлатлар раҳбарлари, 100дан зиёд ташқи ишлар ва мудофаа вазирлари, халқаро алоқалар соҳасидаги нуфузли экспертлар таклиф қилинган.

Хавфсизлик бўйича Мюнхен конференцияси – энг йирик глобал норасмий форумлардан биридир. Конференцияда ҳозирги замон долзарб мавзулари муҳокама қилинади.

Эслатиб ўтамиз, куни кеча Президент Қасим-Жомарт Тоқаев Мюнхен хавфсизлик конференциясида иштирок этишини хабар қилгандик.