Президентнинг Францияга ташрифи ҳақида: 30 га яқин шартнома имзоланди
«Давлат раҳбари Франциянинг етакчи компаниялари раҳбарлари билан қатор учрашувлар ўтказди. Учрашувда савдо, сармоя, саноат, транспорт-логистика ва энергетика соҳаларидаги масалалар атрофлича муҳокама қилинди.
Нефт ва газ соҳасидаги йирик компания Тotal Energies мамлакатга 12 миллиард доллар сармоя киритади. Директорлар кенгаши раиси Патрик Пуянне Давлат раҳбарига унинг компанияси Қозоғистонда бир қанча йирик лойиҳаларни амалга ошириш ниятида эканлигини маълум қилди. Хусусан, 1 ГВт қувватга эга шамол электр станциясини қуриш масаласи муҳокама қилинди. Мазкур объект Қозоғистоннинг жануби-шарқида 2026-2027 йилларда фойдаланишга топширилади. Лойиҳанинг тахминий қиймати 1,9 миллиард долларни ташкил қилади. Air Liquide кимё компанияси президенти Франсуа Жаков Давлат раҳбарига ўз компанияси Қозоғистонда умумий сармояси 120 миллион евро бўлган лойиҳаларни амалга ошираётгани ҳақида гапириб берди. Компания иштирокида ташкил этилган қўшма корхона Атирау ва Павлодардаги нефтни қайта ишлаш заводлари негизида техник газ ишлаб чиқаришни йўлга қўйди.
Оranо С.А. Компания директорлар кенгаши раиси Клод Имовеннинг маълум қилишича, КАТCО қўшма корхонаси Қозоғистонда йиллик уран қазиб олишнинг 15 фоизини ва жаҳон ишлаб чиқаришининг 7 фоизини ишлаб чиқаради. Орано С.А. - Франция ядро саноатида етакчи ҳисобланади.
Électricité dе Francе (ЕDF) компанияси бош директори Люк Ремон билан учрашувда атом энергетикаси масаласи ҳам кўтарилди. Президент Люк Ремон атом энергетикаси саноатига илғор технологияларни жорий этиш истиқболларини муҳокама қилди. Бу масала мамлакатда атом электр стансиясини қуриш режаси нуқтаи назаридан долзарбдир. Қайта тикланувчи энергия манбалари соҳасидаги лойиҳаларни амалга ошириш имкониятлари ҳам муҳокама қилинди. Alstom компанияси директорлар кенгаши раиси Анри Пупард-Лафарж Давлат раҳбарига компания тез орада электровозлар ва темир йўл транспорти ускуналарини ишлаб чиқариш ва уларга хизмат кўрсатиш лойиҳаларига 50 миллион евро сармоя киритишини маълум қилди. Энергия ускуналари ва темир йўл транспорти ишлаб чиқариш бўйича жаҳон етакчиларидан бири бўлган Аlstom компанияси Астана, Алмати, Жамбил ва Туркистон вилоятлари шаҳарларида хизмат кўрсатиш марказларини очади. Бу лойиҳаларни амалга ошириш учун мингдан ортиқ қозоғистонлик мутахассислар сафарбар қилинади», — деди Руслан Желдибай.
Бундан ташқари, у Airbus, Saint-Gobain, Boehringer Ingelheim France, Soufflet Group, Total Energies, BPI France, Vicat, Syctom, Pellenc, Total Eren, PCM, Safran, Thales, Groupe EDF, Assystem, Evolution International, MHB SAS, Exa International, Rungis Semmaris, MBDA, SOPREMA ва бошқа йирик француз компаниялари раҳбарлари билан учрашганини ва бу тадбир Президентнинг Парижга ташрифи доирасидаги энг муҳим воқеалардан бири эканлигини айтди.
«Президент ўз нутқида сармоявий ҳамкорликнинг истиқболли йўналишларини тақдим этди. Хусусан, агросаноат мажмуаси, энергетика, иқтисодиётнинг реал сектори, транспорт-логистика, рақамлаштириш каби соҳалардаги лойиҳалар ҳақида сўз юритилди. Давлат раҳбарининг Францияга ташрифи доирасида иқтисодиётга катта фойда келтирадиган ўттизга яқин шартнома имзоланди.Шундай қилиб, Президентнинг Париждаги ҳар бир учрашувида аниқ вазифаларни амалга ошириш имконини берувчи лойиҳалар, миллионлаб доллар сармоя ва илғор технологияларни жалб этиш, янги иш ўринлари яратиш бўйича шартномалар имзоланди», - дея қўшимча қилди Р. Желдибай.
Фото: аkorda.kz