Президент: Янги Қозоғистонни барпо этиш келажагимизни ҳал қиладиган жуда муҳим вазифадир

NUR-SULTAN. Kazinform – Янги Қозоғистонни барпо этиш келажагимизни белгилаб берувчи жуда муҳим вазифадир. Бу ҳақда Қозоғистон Президенти Қасим-Жомарт Тоқаев маълум қилди, дея хабар беради Kazinform мухбири.

«Дунёда вазият ўзгармоқда. Янги қадриятлар билан бир қаторда мураккаб муаммолар пайдо бўлади. Ана шундай мураккаб даврда мамлакатимиз тараққиётнинг навбатдаги босқичига қадам қўйди. Биз янги Қозоғистонни яратишга киришдик. Бу жуда катта вазифа. Аслида келажагимизни ҳал қиладиган энг муҳим иш. Уни муваффақиятли амалга ошириш учун янги мақсад ва вазифаларни белгилаб олишимиз зарур», – деди Президент «Nur Otan» партиясининг навбатдан ташқари съездида.

Муаллиф: Марлан Жиембай