Президент сайловида ҳеч қайси партияга мансуб бўлмаган номзод қандай иштирок этади

ASTANA. Kazinform - Қозоғистон Республикаси Президенти сайловида қатнашмоқчи бўлган номзод, агар бирор партия аъзоси бўлмаса, сайловда қатнашиши мумкинми? Бу саволга Марказий сайлов комиссияси раисининг ўринбосари Константин Петров жавоб берди, деб хабар беради Kazinform мухбири.

«Бу саволга жавоб «Сайлов тўғрисида»ги Конституциявий қонуннинг 55-моддаси 3-бандида аниқ кўрсатилган. Президентликка номзодлар республика жамоат бирлашмалари номидан уларнинг юқори органлари томонидан кўрсатилади. Яъни, республика жамоат бирлашмаси қурултой ёки конференция шаклидаги юқори орган бўлиши мумкин. Жамоат бирлашмаси вакиллари унга аъзо бўлмаган шахсни номзод қилиб кўрсатишга ҳақли», — дея тушунтирди Константин Петров.

Унга кўра, президентлик сайловида партия аъзоси бўлмаган фуқаро номзод бўлиши мумкин.

«Номзоднинг қайсидир сиёсий партия номидан сайловда қатнашиши учун ўша партия аъзоси бўлиши шарт эмас.

Муаллиф: Даулет Изтилеу