Президент сайлови санасини Давлат раҳбари тасдиқлайди – ҚР Адлия вазири

NUR-SULTAN. Kazinform - Қозоғистон Республикаси Адлия вазири Қанат Мусин президентлик сайлови куни қандай белгиланишини айтди, деб хабар бермоқда Kazinform.

Мажилис биносида ОАВ вакиллари вазирдан шу йилнинг кузида ўтказилиши керак бўлган президентлик сайловларининг аниқ санаси қачон маълум бўлишини сўради.

«Президентнинг ваколат муддати 1,5 йилдан сўнг тугаши муносабати билан Мурожаатномасида билдирилган ташаббус доирасида Давлат раҳбари Фармон чиқариб, сайлов кунини белгилайди»

, — деб жавоб берди Қанат Мусин.

Шунингдек, Президент келгусида неча марта ўз номзодини қўйиши мумкинлиги ҳақидаги саволга жавоб бериш учун «Бўлажак Президент сайловини ўтказиш тўғрисида»ги қонун лойиҳаси ишлаб чиқилиши кераклигини айтди.

«Қонун нуқтаи назаридан, амалдаги қонун муддатидан олдин сайловлар эълон қилинишини назарда тутади. Бундай қонун лойиҳасининг қачон кўриб чиқилиши қонунчилик субъекти сифатида Президентга боғлиқ. Менимча, ҳали ишлаб чиқилмаган қонун лойиҳасини муҳокама қилишга эрта. Қонун лойиҳасини ишлаб чиқиш муддати қонун ҳужжатларида кўзда тутилмаган»

, — деди Қанат Мусин.