Президент сайлови: Миллий волонтёрлик тармоғи Қасим-Жомарт Тоқаев номзодини кўрсатди
Бугун пойтахтда миллий волонтёрлик тармоғининг йиғилиши бўлиб ўтди. Мазкур йиғилишда мамлакат волонтёрлар ҳамжамияти бир овоздан Қасим-Жомарт Тоқаевни 20 ноябр куни бўлиб ўтадиган президентлик сайловига номзод сифатида кўрсатди.
– Шу йиллар давомида Давлат раҳбари волонтёрлик соҳасидаги барча муҳим ташаббусларни қўллаб-қувватлаб келмоқда. Шунингдек, у волонтёрлар ва волонтёрлик ташкилотларининг фаолияти ва меҳнатини юқори баҳолади. Президент волонтёрларга катта ишонч билдиради, Давлат раҳбарининг кўмаги бизни руҳлантиради. Қозоғистон Республикаси Президенти Қасим-Жомарт Тоқаевга ишонч билдириш ваколатимиз мамлакатни ободонлаштириш ва халқимиз манфаатларини таъминлашга қаратилган. Давлат раҳбари ташаббуси билан амалга оширилаётган давлат дастурлари ва ислоҳотлар самарасини барча қозоғистонликлар кўрмоқда. Президентимиз волонтёрлик ҳаракатини қўллаб-қувватлайди, шунинг учун биз ҳам Президентимизни қўллаб-қувватлаймиз», — деди Миллий волонтёрлик тармоғи раҳбари Вера Ким.
Унинг сўзларига кўра, бугунги кунда мамлакатда 200 мингдан ортиқ волонтёрларга эга 600 дан ортиқ волонтёрлик ташкилоти фаолият юритмоқда.
Фото: аqorda.kz