Президент Қасим-Жомарт Тоқаев ХХР Раиси Си Цзиньпинни Нур-Султан аэропортида кутиб олди

NUR-SULTAN. Кazinform – Қозоғистон Президенти Қасим-Жомарт Тоқаев мамлакатга давлат ташрифи билан келган Хитой Халқ Республикаси Раиси Си Цзиньпинни пойтахт аэропортида кутиб олди, дея хабар беради Кazinform Ақордага таяниб.

Аэропортда мартабали меҳмон шарафига фахрий қоровул саф тортди. Маросимдан сўнг кортеж Ақорда саройига йўл олди. У ерда Қозоғистон ва Хитой Халқ Республикаси раҳбарлари Қозоғистон-Хитой стратегик шериклигини ҳар томонлама мустаҳкамлаш истиқболларини муҳокама қиладилар. Музокаралар якунида қатор икки томонлама ҳужжатлар имзоланиши режалаштирилган.