Президент: Давлат ОАВни қўллаб-қувватлашда давом этади

NUR-SULTAN. Kazinform – Қасим-Жомарт Тоқаев Миллий жамоатчилик ишончи кенгаши аъзоси Михаил Дорофеевни қабул қилди, деб хабар беради Ақорда.

Миллий жамоатчилик ишончи кенгаши аъзоси, журналист Михаил Дорофеев Давлат раҳбарига ички ахборот маконидаги вазият ҳақидаги фикрларини баён қилди.

Суҳбат чоғида оммавий ахборот воситаларининг рақобатбардошлигини ошириш, давлат ахборот буюртмасини самарали амалга ошириш, шунингдек, журналистларнинг ҳуқуқларини ҳимоя қилиш масалалари муҳокама қилинди.

Михаил Дорофеев, медиа жамоатчилиги номидан, Қозоғистон Президентига Жиноят кодексининг туҳмат тўғрисидаги 130-моддасини жиноят қаторидан олиб ташлаш тўғрисидаги қарори учун миннатдорчилик билдирди.

Қасим-Жомарт Тоқаев телевизияда сифатли контентни ривожлантириш муҳимлигини таъкидлаб, давлат Қозоғистон оммавий ахборот воситаларини қўллаб-қувватлашда давом этишини таъкидлади.