Португалияда президент сайловлари бўлиб ўтди

LISSABON. Kazinform – Португалияда бўлиб ўтган президентлик сайловларининг биринчи босқичида амалдаги президент Марселу Ребелу де Соуза катта ғалабага эришди. Унинг номзодини сайловчиларнинг 60 фоиздан ортиғи қўллаб-қувватлади. Шундай қилиб, де Соуза иккинчи мандатни қўлга киритади, деб хабар беради Kazinform Еuronewsга асосланиб.

Сайловда ўнг қанот партиясининг етакчиси, университет профессори Андре Вентура 12% овоз олди. Социалистик номзод, адвокат ва собиқ дипломат Ана Гомеш 11 фоизга яқин овоз олди.

Экспертлар сайловни пандемия ва унинг оқибатлари пайтида давлат сиёсатига бўлган ишонч учун овоз бериш деб таърифладилар. Португалия иқтисодиёти карантин чекловларидан энг кўп зарар кўрган давлатлардан биридир. Мутахассислар бу жиддий ижтимоий муаммоларни келтириб чиқаради деб қўрқишади.

Овоз бериш арафасида Португалияда COVID-19 билан касалланганлар сони ва вафот этганлар сони бўйича анти-рекорд ўрнатди ва расмийлар хавфсиз сайловни таъминлаш чораларини кўрдилар.