Покистондаги сув тошқинлари бир суткада 24 кишининг ҳаётига зомин бўлди

ISLAMABAD. Kazinform – Покистонда ўтган сутка давомида кучли муссон ёмғирлари сабаб бўлган сув тошқинлари оқибатида камида 24 киши ҳалок бўлди, яна 115 киши жабрланди. Бу ҳақда мамлакатнинг табиий офатларга қарши кураш миллий бошқармаси (NDMA) маълум қилди, дея хабар беради Kazinform «Синьхуа» агентлигига таяниб.

Якшанба куни кечқурун NDMA томонидан эълон қилинган ҳисоботга кўра, табиий офатлар Покистон жанубидаги энг кўп жабр кўрган Синд провинциясида 19 кишининг ҳаётига зомин бўлди. Ундан сўнг мамлакат шимоли-ғарбидаги Хайбер-Пахтунхва провинцияси жойлашди, бу ерда уч киши ҳалок бўлди. Мамлакат шарқидаги Панжоб вилоятида бир киши ҳалок бўлгани ва 107 киши жабр кўргани ҳақида хабар берилган бўлса, жануби-ғарбий Белужистон вилоятида бир киши сув тошқини оқибатида ҳалок бўлган.

Бундан ташқари, мамлакат бўйлаб 214 707 та уй вайрон бўлган, 13 946 бош чорва нобуд бўлган.

NDMA томонидан янгиланган сўнгги статистик маълумотларга кўра, Покистонда жорий мавсумдаги муссон ёмғирлари ва сув тошқини қурбонларининг умумий сони июн ойининг ўрталаридан бери 1314 кишига етди, яна 12 703 киши зарар кўрди. Шу билан бирга, 1 682 726 уй вайрон бўлган, 750 405 бош чорва нобуд бўлган.

NDMA, бошқа давлат идоралари, кўнгиллилар ва нодавлат ташкилотлари томонидан сув тошқинидан зарар кўрган ҳудудларда қутқарув ишлари давом этмоқда.

Фото:AFP