Пекин маъмурияти COVID-19 чекловларини қайта жорий қилмоқда

BEIJING. Кazinform - Хитой пойтахти маъмурияти коронавируснинг янги манбаи аниқланган энг зич жойлашган Чаоян туманида яна ковид чекловларини жорий қилмоқда, деб хабар беради Кazinform мухбири.

Пекин соғлиқни сақлаш қўмитасининг маълум қилишича, сўнгги 24 соат ичида аниқланган 60 дан ортиқ янги CОVID-19 инфекцияси Чаоян туманидаги маҳаллий бар билан боғлиқ.

Шу билан бирга, ушбу ҳафтада Чаоян туманидаги тунги барга ташриф буюрган ковид билан касалланган беморлар Хитой пойтахтининг бошқа 13 туманида аниқланди.

Пекин маъмуриятига кўра, тунги барнинг барча ҳомийлари маҳаллий QR-код иловаси ёрдамида муассасанинг QR-кодини сканерлашмаган, бу эса контактларни қидиришни қийинлаштирган.

Тахминан 3,5 миллион аҳоли истиқомат қиладиган ва хорижий дипломатик ваколатхоналар жойлашган пойтахтнинг Чаоян тумани пайшанба кунидан бошлаб барча интернет-кафелар ва кўнгилочар масканларни ёпди. Шу куни Чаоян туманидаги бир қатор аҳоли пунктларида коронавирус учун оммавий тест синовлари бошланди.

Аввал 6 июндан бошлаб Пекинда CОVID-га қарши чекловлар юмшатилгани, жамоат транспорти, савдо марказлари ва спорт заллари иши тиклангани хабар қилинган эди.

Муаллиф: Руслан Сулейменов