Павлодарда нефт ва газ ускуналари ишлаб чиқарувчи завод ишга туширилди

PAVLODAR. Kazinform – Павлодарда нефт ва газ ускуналари ишлаб чиқариш заводи ишга туширилди, дея хабар бермоқда Kazinform ҚР Индустрия ва инфратузилмаларни ривожлантириш вазирлигига таяниб.

Ушбу лойиҳа Саноатлаштириш харитаси доирасида амалга оширилди. Ишлаб чиқариш майдончасини яратиш ва ривожлантиришга 246 миллион тенгедан ортиқ сармоя киритилди.

«Корхонада иссиқлик алмаштиргичлар, конденсаторлар, ҳаво совутгичлар, криоген ускуналар, кўплаб турдаги қувур арматура ва қувурлар, турли металл конструкциялар ишлаб чиқарилади. Завод ишлаб чиқариш линиясини янада кенгайтиришни режалаштирмоқда. «КазПромБезопасность ПВ» МЧЖ ишлаб чиқариш майдонида юқори сифатли маҳсулот ишлаб чиқариш учун барча талабларга жавоб берадиган замонавий ускуналар ўрнатилган», — дейилади ахборотда.

Ишлаб чиқариш майдонида қўшимча 40 иш ўрни яратилди. Келгусида корхонада ишчилар сони 150 нафарга етказилади.