Парламент сайлови: Қозоғистонда депутатликка номзодларни қандай ташкилотлар кўрсатиши мумкин

ASTANA. Kazinform - Қозоғистон Республикаси Марказий сайлов комиссияси раиси ўринбосари Константин Петров Парламент Мажилиси ва маслиҳатлар сайловини ўтказишнинг асосий босқичларини айтиб ўтди, деб хабар бермоқда Kazinform мухбири.

Қозоғистон Республикаси Конституциясига мувофиқ, Парламент Мажилиси аралаш сайлов тизимида Конституциявий қонунда белгиланган тартибда сайланадиган 98 депутатдан иборат.

«Қозоғистон Республикаси сайлови тўғрисида»ги Конституциявий қонунга мувофиқ, парламентнинг 69 нафар депутати ягона умумхалқ сайлов округи ҳудудида, 29 нафар депутати эса бир мандатли ҳудудий сайлов округлари ҳудудида сайланади.

«Қозоғистон ҳудудида сўнгги 10 йил яшаган ва 25 ёшга тўлган фуқаро Парламент Мажилиси депутатлигига номзод бўлиши мумкин. Маслиҳат депутатлигига Қозоғистон Республикасининг 20 ёшга тўлган фуқароси номзод бўлиши мумкин. Қонунда белгиланган тартибда ўталмаган ёки олинмаган судланганлиги бўлган шахс ҳамда суд тартибида коррупцияга оид жиноят ва коррупцияга оид ҳуқуқбузарлик содир этишда айбдор деб топилган шахс Қозоғистон Республикаси Парламенти Мажилисининг ҳамда маслиҳатининг депутатлигига номзод бўлиши мумкин эмас», — деди Константин Петров МСК йиғилишида.

Қуйидаги ташкилотлар Мажилис ва маслиҳат депутатлигига номзодлар кўрсатиш ҳуқуқига эга:

1) партия рўйхатлари бўйича сайланган сиёсий партиялар;

2) сиёсий партиялар, жамоат бирлашмалари, уларнинг таркибий бўлинмалари (филиаллари ва ваколатхоналари) ҳамда фуқаролар бир мандатли ҳудудий сайлов округлари бўйича ўз-ўзини кўрсатиш йўли билан сайланадилар.

«Партия рўйхати бўйича ҳужжатлар Марказий сайлов комиссиясига, бир мандатли сайлов округлари бўйича ҳужжатлар тегишли сайлов округларига тақдим этилади», — дея аниқлик киритди К. Петров.

Муаллиф: Айжан Серикжанқизи