Париж Олимпиадасига арзон чипталар сотилмоқда

ASTANА. Кazinform – Парижда бўлиб ўтадиган ХХХIII ёзги Олимпиада ўйинлари учун чипталар ҳозирда сотилмоқда, дея хабар беради Кazinform Спортни ривожлантириш дирекцияси матбуот хизматига таяниб.

Дунё мухлислари сотувнинг биринчи босқичида Make Your Games чипталари тўплами орқали асосий мусобақа дастурига қатнашиш имконига эгамумкин бўлади. Бунинг учун:

1). Тickets.paris2024.оrg сайтида 2023 йил 31 январгача рўйхатдан ўтиш керак.

2). Тўлиқ рўйхат 31 январдан кейин тайёрланади. Агар аризангиз лотереяда танланса, сиз Маke Your Games чипта пакетини сотиб оласиз.

3). 2023 йил 13 феврал куни рўйхатдан ўтган мухлислар ўртасида қуръа ташланади. Ушбу билдиришнома ҳар бир шахснинг рўйхатдан ўтиш пайтида кўрсатилган электрон почта манзилига юборилади. Эслатма: Хабарни олган фуқаролар 48 соат ичида электрон почтага юборилган ҳаволани очиб, хат олинганлигини тасдиқлашлари керак. Кейин чиптани танлаб, 15 февралдан 15 мартгача сотиб олиш мумкин. Make Your Games умумий тўплами 3 та алоҳида мусобақага чипталарни ўз ичига олади.

Чипталарни якка тартибда сотиб олишни хоҳлайдиган мухлислар учун эса имконият қуйидагича:

1). 2023 йил 1 мартдан апрел ойи охиригача рўйхатдан ўтинг (tickets.paris2024.оrg)

2). Чиптани 2023 йил май ойи бошидан олиш мумкин.

Бошида тилга олинган Маke Your Games чипта пакети 72 евро, индивидуал чипталар эса 24 евро туради. Тафсилотлар tickets.paris2024.оrg сайтида.

Париж Олимпиадасининг шиори - Games Wide Оpen. Ташкилотчилар ажойиб тажриба алмашиш учун кўплаб мухлисларни тўплаш ниятида. Шунинг учун ҳам Олимпия ўйинлари тарихида биринчи марта Make Your Games каби пакет тақдим этилди.

Эслатиб ўтамиз, Халқаро олимпия қўмитаси 10 миллионга яқин чипта сотади. Уларнинг 1 миллиони 24 еврога, ярми 50 евро ва ундан камига сотилади. Яна 3 миллион чиптанинг нархи 100 евродан бошланади. Чипталарнинг атиги 15 фоизи қимматроқ нархда сотилади.

Фото: tickets.paris2024.оrg