Париж Олимпиадасига 45 минг волонтёр жалб қилинади

ASTANА. Kazinform - Париждаги Олимпиада ўйинлари ташкилотчилари махсус платформа яратдилар ва ушбу тадбирда ишлаш учун бошқа мамлакатлардан 45 минг нафар волонтёрни қидирмоқдалар, дея хабар беради Кazinform Олимпия ўйинлари сайтига таяниб.

Волонтёрлар 18 ёшдан катта бўлиши, инглиз ёки француз тилларини билиши ҳамда Олимпия ва Паралимпия ўйинлари давомида 10 кун давомида алоқада бўлиши керак.

Шунингдек, 3000 нафар ногирон кишини волонтёрлар сифатида жалб этиш режалаштирилган.

Олимпия ўйинлари веб-сайтининг расмий платформасида волонтёр бўлиш учун ариза бериш мумкин.

Эслатиб ўтамиз, Ёзги Олимпия ўйинлари Парижда 2024 йилнинг 26 июлидан 11 августига қадар бўлиб ўтади.

Фото: Getty Images